No no, nol è par la Udinese vuê il cartel, ma pra l'Italie.
E no di sigûr la Italie Lippicentriche e malbastide dal balon, ma la Italie des pachis tes canolis e dai voi neris.
La partide e je bielone, il stadio al è plen e no si podeve spietâsi di miôr.
Viodìn cemût che e va!
:)

Incjant

Ce isal l'incjant che nus strenç?

Sono forsit i barcons
Che a sbrissin vie dai mûrs
E nus traviersin la strade
Spalancâts?

O sono lis çatis dal gjat
Sul parebrîs
Che àn inventât un alfabet
Voltât in altris lenghis
Ogni volte che al plûf?

O insom sono lis bussadis
Chês che àn la vite fine
Ma plui lungje de nestre

Chês che a corin crotis
E si fermin di bot
Balant di sgrisui
Come un ciscjel di cjartis

Che bussadis
Lontanis di pols e di soreli
Che a vin
Ancjemò di dâsi?

Il cartel par la Udinese cu la Fiorentine

Intant par cumò metin il cartel di vuê e sperìn ben, ancje se no soi masse fiduçôs.
Sperin che no nus fasin viole lôr :D